ازاي تكتشف انوا جايلكم ضيوف

بسم الله الرحمن الرحيم و الصلاة و السلام علي أفضل المرسلين سيدنا محمد

موضوعنا النهاردة يا شباب ازاي اول ما ترجع بيتك كدة و تدخل تعرف انه عندكم ضيوف او جايلك ضيوف

أولاً : أول ما تدخل بيتكم هتحس أنك دخلت شقة غلط

ثانياً : تيجي تقلع الجزمة تحت الكنبة كالعادة هتلاقي ان دستة الجزم بتاعتك مش موجودين

ثالثاً : هتتأكد أن فيه 12 واحد من ال65 أخ اللي عندك لبس لبسوا جزمك و خرجوا بيها

رابعاً : بعد مرور ساعة من الزمن هتكتشف ان دستة جزمك محطوطين في الجزامة و بترتيب

و يمكن كمان زيادة للاتقان هيحطوا عليها نمر

خامساً : تيجي تدخل الحمام عشان تاخد الشاور بتاعك تلاقي الحمام نضيف

لأول مرة في تاريخ المنزل


سادساً : هتشم ريحة حلوة و أنت بتستحمي في الحمام مش ريحة الفينيك

و الكفرات بتاعت كل مرة

سادساً و نص : تدخل المطبخ تلاقي أكل عمرك ما شفته في حياتك قبل كدة

و تيجي تدوقه تقول ان الأكل غريب في بيتي

سابعاً : تدخل الصالون و تشوف طرابيزة سفرة جديدة عندكم في الشقة

لأ و ايه عليها شوك و سكاكين كمان و تقعد تاخد كورس لمدة ساعة و نص عشان تعرف كيفية استخدامهم

الله يرحم الصوابع

ثامناً : تيجي تلبس هدومك و كالعادة تنزل تحت السرير متلاقيش الشورت
بس انت عندك خبرة خلاص من موضوع الجزم فهتروح علي طول لمامتك
و تقولها انتي شيلتي الهدوم فين

و لما تجاوبك هتكتشف بعد مرور 14 سنة خدمة في ثانوي ان فيه اختراع
اسمه الدولاب



تيجي تريح شوية علي الكنبة و تشغل التليفزيون هتلاقي الدش شغال

متخفش تيقن ان الوالد نزل أخد وصلة 24 ساعة بس لحد ما الضيوف ما يمشوا

تاسعاً : تيجي كدة و أنت بتتفرج علي الدش تلاقي فجأة الجو اتعدل و تحس بهوا جاي نحيتك

طبعاً هتقول لمامتك و تزعق و أنت قاعد في مكانك مين فتح الشباك ؟

هتقولك ياااااااي وطي صوتك انت معندكش ايتيكيت ايه الصوت العالي ده
انت قاعد في زريبة

هتقولك ان ابوك نزل يستلف 6 مراوح من جارنا اللي تحتينا

عاشراً : أول ما الضيوف ما يمشوا ترجع ريما لعادتها القديمة
مامتك اللي كانت بتقولك اتكلم بصوت واطي شوفها كمان شوية




الضيوف مشيوا





الحادي عشر : تصحي من الحلم الجميل ده علي خير تلاقي غطا الحلة علي دماغك و طراااااااااااااااخ !!!!

مامتك بتقولك أنت لسة نايم لحد دلوقتي يا ابن ال تيت تيت تيت تيت

الثاني عشر : هتلاقي دستة الجزم جنبك و الجزمة اللي ظبطها علي الفايبراشون عشان تصحيك بتهز من بدري و سعادتك لسة مقومتش

الثالث عشر : تيجي تغسل وشك هتلاقي المية قاطعة

الرابع عشر : تيجي تشغل التليفزيون هتلاقي القناة الأولي مشفرة

الخامس عشر : ترجع للأكل تاني اللي بيجيب امساك ده

السادس عشر : ترجع ايدك و صوابعينك تشتغل مرة تانية في الاكل

السابع عشر : تدخل الحمام تلاقي كل حاجة متشالة تسأل والدك فين الحمام
هيقولك اتكسر تقوله طب اتصرف فين دلوقتي هيقولك فوق السطوح

الثامن عشر: تطلع فوق السطوح تلاقي ال65 أخواتك بيتصرفوا فوق

التاسع عشر : كفاية كدة

ههههه مرسي امونة وانتي تصرا معاك هكا؟